Lege: – Trapp ned før ferien

I vekene før ferien er det svært mange som stressar for å bli ferdig med alt på jobben, eller for å sørgja for at hagen ikkje skal sjå ut som eit villnis når dei kjem heim etter ferie.

Når ein då endeleg får ferie og skal slappa av, kan ein oppleva å bli sjuk – eller at ein ikkje klarer å stressa ned før halve ferien er omme.

• Kor lett er det eigentleg å trappa ned før ferien? Har du gode tips? Delta i debatten nedest i artikkelen.

– Når ein har hatt mykje adrenalin i kroppen over lengre tid, og det er infeksjonar i omløp, kan ein lett tenka seg at ein kan få sjukdomar lettare, seier lege i Stavanger Ivar Halvorsen.

– Hagen er ferie for meg

Ferie kan vera så mangt. Nokon vel å oppsøka storbyen, andre fjellet, nokon føretrekkjer sjøen og det finnes dei som likar seg best heime.

– Eg likar meg best i hagen, det er det som er ferie for meg, seier Liv Todnem.

Ho er ei av dei som trappar ned før ferien i staden for å stressa seg opp.

• Les òg: Fleire nordmenn blir sjuke på ferie
• Les òg: «Alle» vil ha luksus i ferien

Sjølv om det er meir enn nok å gjera av hagearbeid, er ikkje dette arbeidet noko som stressar henne.

– Det verkar avstressande. Eg har det svært godt i hagen min når det er ferie, seier ho.

Slappar av med hagearbeid

Svein inge Støle er ein av mange hundre tusen nordmenn som nå gler seg til sommarferie.

– Nå er det berre ei veke att. Så skal eg ha tre veker, seier Svein Inge Støle.

Sidan det har vore roleg på jobben hans den siste veka, er det heilt naturleg for han å gli over i feriemodus. Men slik er det ikkje for alle.

• Les òg: Hit reiser vi i sommer
• Les òg: Her får du mest for feriepengene

Glidane overgang frå jobb til ferie

Det er vikitg å trappa ned før ferien for å få full effekt av dei tre-fire vekene du har fri frå jobben, meiner lege Halvorsen.

– Det burde absolutt vore ein glidande overgang, seier Halvorsen.

Han fortel at dei som har vore stressa over tid, for så å byrja brått på ferien, brukar store delar av ferien for å koma i såkalla feriemodus.

– Eg trur den beste strategien er å bli ferdig i god tid med det du jobbar med, seier han.

Han legg til at hovudet må vera langt over vatnet når ein går på ferie.

– Kjensla av å vera i balanse må vera der, seier han.