– Det er heilt fantastisk! Eg torde nesten ikkje å håpa på at det skulle bli så bra, sa Solveig Ege Tengesdal frå Egersund under valnatta.
Det gode resultatet for Kristeleg folkeparti i Eigersund gjer at ho nå blir kommunen sin nye ordførar, og ei av historisk mange kvinner som går inn i toppvervet i ein rogalandskommune.
- Kva meiner du fleire kvinneordførarar vil ha å seie i kommunane? Diskuter nedst i artikkelen.
Kan bli om lag 40 prosent
Frå fire kvinner nå ser talet ut til å bli ti (elleve om Strand får kvinneleg ordførar). Noko som utgjer om lag 40 prosent i Rogaland som har 26 kommunar. I tillegg til dette vil også fylkesordføraren i Rogaland den komande perioden vera ei kvinne.
- Les òg:
– Det er heilt fantastisk at det er så mange kvinnelege ordførarar i fylke vårt. Spesielt gledeleg er det at så mange av dei representerer Høgre, det er dei såkalla flinke Høgre-kvinnene, ler Aase Simonsen som blir høgreordførar i Karmøy.
- Les òg:
– For få kvinner elles
Den første kvinnelege ordføraren på øykommunen nokon sinne. Likevel er ho ikkje heilt nøgd med kjønnsfordelinga på Karmøy.
– Om ein ser på representasjonen elles i kommunen har det ikkje skjedd stort, det er framleis for få kvinner, seier ho.
- Les òg:
- Les òg:
Fleire historisk kvinner er Ane Marie Braut Nese i Klepp og Trine L. Danielsen i Hjelmeland. Også dei høyrer til Høgre og blir dei første kvinneordførarane i kommunane sine.
Braut Nese kan endå til smykka seg med å vera den første kvinna med ordførarkjede på heile Jæren.
Erfarne og uerfarne
Dei kvinnelege ordførarane utgjer ei blanding av meir og mindre politisk erfaring.
Frå KrFs Olaug Bollestad i Gjesdal og Venstres Gro Skartveit i Finnøy, via Sentrepartiets Dagny Sunnanå Hausken i Rennesøy til Tone L. Danielsen i Hjelmeland.
Sistnemnde trur den historisk høge delen av kvinnelege ordførarar vil ha noko å seia:
– Ja eg håper nå det. Det blir nok meir tidseffektivitiet og vinkling på andre saker, seier L. Danielsen.
Avtroppande ordførar i Klepp er også nøgd med kvinnebølgja og kjem med følgjande råd til arvtakaren sin:
– Det viktigaste er at ho er seg sjølv og finn sin eigen stil, seier han.