I sitt forslag til landbruksmelding, gjekk regjeringa inn for å redusere talet på mjølkeregionar i landet frå 19 til ti.
Dette reagerer Kristeleg Folkeparti på. KrF er støtteparti til regjeringa og må vera med på regjeringa sitt lag, dersom dette skal gå gjennom i Stortinget til våren.
- Les også:
Bakgrunnen er at prisen for å kjøpe opp mjølkekvotar varierer i dei forskjellige regionane. Prisen er høgast i Rogaland, der det kostar mellom 13 og 14.50 kroner å kjøpe opp ein liter mjølkekvote. Medan det i Sogn og Fjordane kostar mellom åtte og ni kroner.
– Skulle Rogaland og Sogn og Fjordane kome i same region, betyr det eit kraftig press på bønder i Sogn og Fjordane for å selje mjølkekvotane sine. Det vil me ikkje, for KrF vil at landbruk skal kunne drivast i heile landet, seier stortingsrepresentant Olaug Bollestad frå Rogaland.
Jæren kan bli ein eigen region
– Det største problemet nå er at bøndene i Norge er for lite konkurransedyktige, seier statssekretær i landbruksdepartementet, Terje Halleland.
- Les også:
Han meiner at færre mjølkeregionar kan vera med på å «velta nokre steinar i eit fastlåst system», som han ordlegg seg.
– Me kan for eksempel vera med på at Jæren blir ein eigen region, mot at resten av Rogaland pluss heile Hordaland og Sogn og Fjordane blir ein annan region.
– Det viktigaste for oss er uansett å få ned talet på mjølkeregionar. Helst ned til ti, slik at det blir likt som talet på vanlege regionar, seier Halleland.
- Les også:
Går imot bøndene på Jæren
Bollestad held fast på at ho ikkje vil endra talet på mjølkeregionar frå 19 til ti, slik regjeringa legg opp til.
– KrF er også eit parti for dei mindre bøndene i Ryfylke, på Haugalandet og i Dalane, seier Bollestad.
– I tillegg vil me ha mjølkeproduksjon i heile landet og ikkje sentralisert til Jæren og nokre få andre stader i landet, seier ho.