Klokka 20.50 fekk politiet melding om kraftig røyk ved IVAR sitt avløpsanlegg på Mekjarvik i Randaberg kommune.
– Det har gått varmgang i ein sylinder som tørkar kloakkavfall til pellets, sa vaktleiar ved Brannvesenet Sør-Rogaland, Kjetil Vier.
Det var snakk om store mengder røyk, men ingen personar blei skadd, stadfestar politiet seint fredag kveld.
Det blei ikkje snakk om å evakuera naboar, men folk blei bedne om å halda dører og vindauge lukka.
– Det blir litt arbeid å sløkka, for me må riva litt for å koma til, sa Vier fredag kveld.
IVAR er eit interkommunalt selskap som handsamar vatn, avløp og renovasjon på Jæren, Nord-Jæren og delar av Ryfylke.