Politiet har bestemt seg for å kalla inn advokat Sigurd Klomsæt til avhøyr. Det skjer etter at Klomsæt har sendt ein fax til Nokas-dømte Dan Pettersen frå Sandnes. Der skriv Klomsæt at han har fått nye opplysningar som kan bidra til å frikjenne Pettersen i ankesaka.
- Kva dei opplysningane går ut på skal eg fortelje til politiet i avhøyr, seier Klomsæt. Han vil heller ikkje seie kven som har gitt han opplysningane.
Klientfisking
Klomsæt avviser at han spekulerar i å overta Pettersen som klient, og at det er bakgrunnen for at han har sendt denne faxen til Pettersen.
- Det er blitt slik i denne bransjen at det er ein del drittsekker som ikkje vågar å stå fram og som spreier slike rykte, seier Klomsæt.
Heller ikkje Brynjar Meling, som er Pettersen sin advokat, ønskjer å spekulera i kva som kan vera baktanken til Klomsæt.
- Det viktige er at det kjem fram informasjon som kan støtta min klient,og min klient har heile vegen sagt at han er uskuldig i Nokas-ranet, seier Meling.
