– Målet er å ha det gøy!
Gunnhild Bjørngaard var ein av mange som fekk seg ein dukkert i Vågen, etter å ha testa den 12 meter høge klatreveggen.
Foto: Ole Andreas Bø / NRKDet seier 15 år gamle Gunnhild Bjørngaard, godt innpakka i handkledet sitt etter ein tur i Vågen.
Og der var det mange som hamna, då Norges klatreforbund og Bratte Rogalands Venner (BRV) arrangerte klatrekonkurranse utan anna sikring enn vatnet i Vågen, i samband med verdscupen i klatring.
Bjørngaard har klatra sidan ho var tre år, og synst arrangementet i Stavanger var heilt topp.
– Det er sosialt, og så får me visa fram sporten for veldig mange som ikkje kjenner til klatring, seier ho.
