– Me har jobba frenetisk med å finna alternative flyløysingar, og me har fått det til. Så alle av Star Tour sine kundar kjem seg på ferie som planlagt, seier presseansvarleg i Star Tour, Mathias Bergendahl.
Fleire kansellerte fly
Det er ikkje lenger berre innanlandsflygingane det går hardt utover. Også utanlandsfly er i dag kansellerte, og for dei som ønsker seg til varmare strok var det nok urovekkjande å sjå at alle Norwegian fly mellom Vestlandet og Gran Canaria er kansellerte, og nokre frå Oslo.
Samla er det 9 kansellerte fly mellom Norge og Gran Canaria i dag. Star Tour bruker Norwegian sine fly til å frakta passasjerane sine til syden.
– Me forstår at kundane får mange spørsmål når det er snakk om streik i Norwegian. Derfor har me hatt direktekontakt med kundane via SMS, og varsla dei umiddelbart etter me har fått i stand alternative løysingar, seier Mathias Bergendahl.
For dei som ikkje flyr gjennom reisebyrå kan det vera greitt å vera klar over at ein har ein del rettar når flyet blir kansellert og ferieturen går i vasken.
- Les òg: