Det har heilt sidan høgsterettsdommen i november i fjor vore klart at Kamuran Kaplan må tilbake til Tyrkia. Måten det skjedde på i helga får likevel familien og forsvararen til å reagera.
– Dei var ti politimenn. Fire banka på døra klokka 04.00 medan heile huset var omringa av politi. Me følte oss som terroristar, seier kona Naime Kaplan til Aftenbladet.
- Les òg:
- Les òg:
I januar i år blei det demonstrert i Stavanger for at Kamuran Kaplan skulle få bli i Norge. Dette var i samanheng med Amelie-saka.
Familien har opphaldsløyve
Kamuran Kaplan meiner at han er forfylgt av politiske styresmakter i Tyrkia på grunn av sitt politiske engasjement for den kurdiske befolkninga.
Hans kone og tre barn har fått opphald i Norge på humanitært grunnlag, medan Kaplan må forlata familie, heim og jobb for å reisa tilbake til Tyrkia.
I høgsterettsdomen frå i fjor er det at han har opphaldt seg ulovleg i Norge og at han frå 1999 blei dømt til tre månader i fengsel for knivstikking som er vektlagd.
At ein familiefar blir tatt bort frå barna sine, og ikkje får lov til å vitja dei i Norge på fem år har gjort at forsvararen til familien, Bent Endresen, har klaga saka inn til menneskerettsdomstol i Strasbourg.
– Tvangsutsendinga gjekk etter forskriftene
Han reagerer også på måten tvangsutsendinga skjedde på i helga. Kaplan skal ha fått nokre minutt til å ta farvel med barna sine.
– Dette er politistat-metodar som er heilt uakseptable og som påfører familien store skadar, seier Bent Endresen til Aftenbladet.
Politiets Utlendingsenhet seier at tvangsutsendinga gjekk etter forskriftene.
– Me varslar aldri om tidspunktet for uttransportering på førehand. Då risikerer me at dei forsvinn og at me ikkje finn dei, seier Ole Johan Heir i UP til avisa.
