Ikkje felles drapsetterforsking likevel

Haugaland og Sunnhordland politidistrikt og Rogaland politidistrikt har tidlegare fått tips om at dei to sakene, frå 1995 og 2000, kan ha same gjerningsmann , og politiet har no undersøkt dette.

– Konklusjonen er at slik det ser ut no, så er det ikkje grunnlag for å ei felles etterforsking. Det inneber at kvart politidistrikt framleis behandlar sine saker og følgjer opp dei tips og nye opplysingar i sine saker, seier førstestatsadvokat Harald Grønlien.

– Korleis vil desse to sakene bli etterforska vidare?

– Slik som det har vore dei siste åra: politiet vil følgja opp nye tips og opplysingar som kjem inn.

• LES OGSÅ: 15 år etter drapet håper moren Kripos tar saken

Får framleis nye tips

I mai 1995 vart Birgitte Tengs valdtatt og drepen på Karmøy. Natt til 24. september 2000 forsvann Tina Jørgensen sporlaust på veg heim frå byen i Stavanger. Ein månad seinare vart ho funnen drepen ved Bore kyrkje i Klepp. Politiet får framleis tips i begge sakene.

• LES OGSÅ: Bil-tips kan avsløre Birgitte Tengs sin drapsmann

– Det er kome ein del nye tips i Birgitte Tengs-saka dei siste, korleis ser de på dei?

– Mykje av det er berre repetisjon av gamle ting. Men det er noko nytt, og det vil bli følgt opp grundig, seier Grønlien.

• LES OGSÅ: Birgitte-drapet kan bli første «Cold case»-sak