Her klikkar det for Høgre-gjengen i Stavanger

– Eg skal takka nokon som kanskje har ytt litt meir enn andre. Til dømes Aleksander Stokkebø som er ungdomskandidat i Rogaland Høgre. Aleksander har hatt 2070 husbesøk, og Rogaland Høgre har lova at dei skal spandera nye sko på han.

Dette sa Erna Solberg i sigerstalen sin, som mellom anna blei spelt av på storskjerm på Gaffel og Karaffel i Stavanger, der Høgre hadde valvake sitt. Stokkebø blei tilfeldigvis intervjua av NRK Rogaland framføre storskjermen då dette skjedde.

– Hæ, var alt han fekk sagt før jubelen ruva i heile lokalet, og folk slengde seg om halsen hans.

Sterkt val av Rogaland Høgre

– Den hadde eg ikkje sett koma. Dette er ein stor kveld, nå håper me berre dette held heilt inn, sa Stokkebø etter å ha fått summa seg litt.

Noko overraskande ligg han an til å koma direkte inn på Stortinget, som femtekandidat for Rogaland Høgre. Med Bent Høie i regjering så vil Høgre også få inn sjettekandidaten sin, Aase Simonsen.

• Les òg: Aleksander Stokkebø (22) er inne for Høyre