– Eg trur fleire i Rogaland nå mistenker Kleppa for å halda tilbake rapporten bevisst, derfor meiner eg det er uklokt å ikkje offentleggjera den, seier stortingspolitikar og Ryfast-motstandar Hallgeir Langeland til NRK.no.
Rapporten som Samferdsledepartementet i dag fekk er ei ekstern kvalitetssikring av det omfattande vegprosjektet. (Sjå faktaboks)
- Les òg:
Normal praksis
Særleg for motstandarane av prosjektet er det ønskjeleg å få tilgang til denne rapporten, som er noko av det siste som kan øydeleggja for planlagde Ryfast. Men ifølgje Kleppa vil truleg ingen få innsyn i rapporten før regjeringa legg saka fram for Stortinget i vår:
– Det er svært sjeldan at eit dokument som er med i grunnlaget for ei regjeringsvedtak vert frigjort før saka er ferdig handsama i regjeringa, seier Kleppa.
Likevel meiner Langeland at konflikten og striden i denne saka er så stor at det ville vore klokt å offentleggjort dei sporenstreks:
– Eg har allereie sendt ut ein førespurnad på e-post til Magnhild om at rapporten blir offentleggjort, seier han.
- Les òg:
- Les òg:
– Bompengespørsmål mest sentralt
Ordførar i Forsand Ole Tom Guse, som også er i mot Ryfast meiner det er viktig for debatten å få tilgang på rapporten:
– Nå må me jobba litt i blinde, sidan me ikkje veit om det me jobbar for og i mot blei teke vare på i rapporten, seier ordføraren.
Han meiner det spesielt ville vore viktig å få kjennskap til kva det eksterne konsulentfirmaet meiner om finansieringa av Ryfast:
– Spørsmålet om bompengar på bybrua er det mest sentrale for oss. Dersom det ikkje blir bompengar der så er det eit argument for at me skal få oppretthalda ferja her i Forsand, seier han.
Kleppa på si side, meiner ein ordførar burde forstå at visse dokument er interne.
– Det forstår eg, men dersom det ikkje er ting i dokumentet som gjer det problematisk med offentleggjering, så ønskjer me at ting skal vera ope, seier han.