Midnatt opna laksefisket i fire av lakseelvane i Rogaland. Ved Tengsfossen i Bjerkreimselva i Eigersund hadde dei ivrigaste funne sine favorittfiskeplassar alt frå i natt av.
Blant dei Sigve Tengs og kameratane Stig Haugland og Brian Mcchatty.
– Eg er veldig overraska over kor mykje fisk det er i elva. Den bit heile, vegen seier Sigve Tengs.
- LES OGSÅ:
- LES OGSÅ:
Laks på fleire kilo
Kameratgjengen måtte måndag morgon dryga fiskinga slik at kvoten på to fisk per person ikkje blei fylt opp med ein gong.
– Den største me har fått er på seks kilo. Dei andre ligg på mellom fire og fem kilo, seier Tengs.
Det er svært høg vassføring i Bjerkreimselva om dagen, noko som lovar godt for årets laksesesong. Også dotter til Sigve Tengs, Julie, prøvde fiskelukka tidleg måndag morgon.
Og laksen beit alt på første kastet.
– Det er ein del fisk og den bit fort. Laksefiske er spennande, seier 19-åringen, som har vore med far sin på laksefiske i mange år.
– Eg blir med fleire gonger. Det er alltid kjekt å fiska. I dag håpar eg å komma heim med middag, seier ho.
- LES OGSÅ:
- LES OGSÅ:
(Artikkelen held fram under bilete).
Sigve Tengs med årets første laks tatt ved Tengs i den nedre delen av Bjerkreimsvassdraget.
Foto: Øystein EllingsenPrøvefiske
Fram til og med 14. juni er det prøvefiske og dermed avgrensa kor mange som kan fiska laks i Bjerkreimselva.
1. juni starta også laksefisket i Ogna i Hå, Espedalselva i Forsand og Årdalselva i Hjelmeland. I dei andre kjente lakseelvane i Rogaland, som Suldalslågen, er det seinare sesongstart.
