Bølgjene er så høge at helikoptera må stå på bakken

Bristow har stoppa all helikoptertrafikk på alle sine basar ut dagen.

Heliporten på Sola

Slik ser det ut på heliporten på Stavanger lufthavn Sola tysdag 6. april.

Foto: Ole Andreas Bø / NRK

Uvêr fører til at all helikoptertrafikken til og frå oljeinstallasjonar ute til havs er kansellert.

– Det er veldig høge bølgjer, derfor er trafikken stoppa på alle basar på grunn av tryggleiken, seier Petter Sem-Henriksen, som er driftssjef i Bristow Norway.

Det er Hammerfest, Kristiansund, Florø, Bergen og Sola som er ramma.

Vil ikkje ta opp att flyginga i dag

Grensene for kor høge bølgjene kan vera når dei flyr er åtte meter på dagtid, og seks meter om natta.

Ifølgje Bristow vil kanselleringane gjelda ut dagen.

– Etter meldingane me har fått vil bølgjehøgda dagen ut. Dermed blir flygingar kansellert og sett opp i morgon og i over i morgon for å ta att det tapte, seier Sem-Henriksen.

heliport.no er det full oversikt og oppdatert informasjon om avgangane og ankomstane.