Ein villfugl i Rogaland har fått påvist fugleinfluensa, stadfester Mattilsynet fredag.
– Der er éin villfugl så langt, jobben vi gjer no er å forebygge ei eventuell spreiing frå villfugl til tamfugl, seier Ole-Herman Tronerud, seksjonssjef dyrehelse i Mattilsynet til NRK.
Mattilsynet melder om portforbod for fjørfe i delar av landet, som følge av oppdaginga.
– Vi ber alle som ser daude fuglar om å varsle oss, slik at vi kan komme ut og teste for smitte. Folkehelseinstituttet vurderer risikoen for smitte til mennesker vurderes som svært lav, seier Tronerud.
Portforbodet betyr at alle tamme fugler skal vere under tak for å hindre smitte frå villfugl. Det vil i fyrste omgang gjelde for fjørfe langs hele kysten, frå og med Østfold til og med Rogaland.
– I tillegg vil alle hobbyfjørfehold måtte registrere seg sånn at vi får ein oversikt over kor det står fugl, seier Tronerud.
Spreier seg i Europa
Det er påvist fugleinfluensa av typen H5N8 som er høgpatogen, og kan gje meir alvorleg sjukdom hos fugl enn lågpatogene variantar.
Det er veterinærinstituttet som har analysert prøven.
– Samtidig ber vi om at ingen tar på sjuke og daude fuglar, då desse kan ha andre smittestoffer med seg som for eksempel salmonella, seier Tronerud.
Eit anna utbrot blei fredag stadfesta av styresmaktene i Belgia, med den svært smittsame H5N5 fugleinfluensaen på ein gard, ifølge Reuters. Utbrotet drap 600 fuglar og gjorde at 151.000 andre måtte bli avliva
I tillegg til utbrotet i Belgia har Danmark heva risikonivået frå svært lavt til høgt for fugleinfluensa etter det blei oppdaga fugleinfluensa 6. november.
Ein potensiell pandemi
Ifølgje forskar ved OUS, Gunnveig Grødeland, er fugleinfluensa ein potensiell pandemi.
Ho har jobba i ti år med ein vaksine mot fugleinfluensa.
– Ein influensa som i teorien kan bli en langt større trugsel mot mennesker enn den pågående koronapandemien, ifølgje forskaren.
Men seksjonssjefen i Mattilsynet seier risikoen for at influensaen skal smitte til mennesker er låg.
– Folkehelseinstituttet har vore tydelege på at det er låg risiko for smitte til mennesker, sjølv om det kan vere ein risiko, seier Tronerud.
Ifølgje Mattilsynet er det viktig at ein ikkje tek på fuglane når ein skal rapportere inn daude fuglar.