– Værså god!
Billettør Gustav Rugtveit har løyst billettar over Sandsfjorden i Ryfylke i over åtte år.
– Jobben er grei den – du får jo treffe hyggelege folk, seier han.
Men nå er det snart slutt. Sandsfjord bru er snart ferdig og er planlagt opna i slutten av november, og til nyttår stenger ferjesambandet for godt.
- LES OGSÅ: Sandsfjord bru tar form
– Du har dei som likar det, og så har du dei som ikkje likar det. Det er mest av dei som synest det er trist at ferja forsvinn, seier Rugtveit.
Treng ikkje dra til sentrum
Når den nye brua opnar og ferja sluttar, kjem mykje av gjennomgangstrafikken på Sand i Suldal til å forsvinne, fordi folk ikkje treng å ta turen ned til ferjeleie i sentrum. Det likar ikkje innbyggjarane.
– For bygda vår er dette pyton. Men vi hadde ikkje noko val, så når det vart sånn, må vi ta det for det er, seier Olaug Irene Utbjo.
Dagleg leiar på Coop i Sand, Arina Simonova, har freista med norske plommar til turistar som har vore innom butikken i sommar. Nå fryktar ho at omsetjinga vil falle kraftig når ferja sluttar å gå.
– Det er eg veldig uroa for, seier Simonova.
Fryktar ikkje brua
Gerd Helen Bø (Sp), ordførar i Suldal.
Foto: Joachim SteinbruOrdførar i Suldal, Gerd Helen Bø (Sp), trur ikkje brua vil øydeleggje Sand.
– Nei, eg trur ikkje at det er nokon fare for det, men dette krev at ein er aktiv for å gjera Sand attraktivt, seier ho.
Bø påpeiker at kommunen jobbar med ein reguleringsplan der ein blant anna håper å gjera noko med torget i bygda.
– Så eg håpar at turistar og andre framleis kjem innom, sjølv om vegen går av der ute, seier ho.
