Broren,Mahmood Shaukut Butt, snakkar ope om det som har skjedd.
- Dette er veldig underleg, seier han.
Broren var hos han laurdag den 7. juli. Då fortalde han at han skulle til ein slektning på mandag for å henta eit større pengebeløp.
Torsdag den 12. juli, ringte skuldaren til Mahmood Shaukut Butt, og lurte på om han hadde sett den sakna. Då stod ennå bilen hans på gata utforbi der han hadde henta pengane.
- Nå ber me til Gud og håpar det beste, seier Mahmood Shaukut Butt.
Han fortel at broren skulle kjøpa hus i Skudeneshavn. At han hadde fått tilslag på ein bustad der og at han var i ferd med å samla inn pengar, som andre skulda han, for å betala huskjøpet.
- Huset på Storhaug var det døtrene hans som skulle ha. Å finne eit anna hus i Stavanger er svært dyrt, derfor hadde han og kona bestemt seg for å flytta til Skudeneshavn, der dei hadde funne eit hus til ein grei pris, seier broren.
Politiet jobbar med saka
Familien har gått til politiet med det dei veit.
- Me har bede politiet om å undersøkje om Zahid Mahmood Butt kan ha reist ut av landet, seier broren.
Tidlegare har den sakna gjort dette på kort varsel, men då har han alltid gitt beskjed. Heller ikkje kona kjenner noko til at mannen hadde reiseplanar.
- Såvidt me har fått opplyst har han ikkje brukt Visa-kortet sidan han forsvant, seier broren.
Han ser på det som urovekkjande, for den sakna brukte alltid kort når han betalte.
Advokaten har fleire opplysningar
Advokaten til den forsvunne, Arvid Sjødin, seier i dag til Rogalands Avis ,at han har nye opplysningar i saka. Sjødin skal i møte med politiet i dag.
– Eg har informasjon som jeg reknar med at politiet vil ha, seier Sjødin.
Kva denne informasjonen går ut på, vil han ikkje seie noko om ennå.