18.34 fekk brannvesenet melding om at det brann på toalettet til restauranten Kniv & Gaffel i Egersund. Brannen vart raskt sløkt, og då fann politiet spor som tyder på at brannen er påtent.
– Me fann restar av stjerneskot og eit stearinlys etter at brannen var sløkt, seier Karsten Tendenes, operasjonsleiar i Rogaland politidistrikt.
Saka skal etterforskast på Egersund politistasjon, men dei har endå ingen mistenkte.
– Me ser alvorleg på at nokon forsøker å tenna på bygningar, seier Tendenes.