– Mannen som ringde oss måtte bruka makt for å koma seg ut ytterdøra i dag tidleg. Det stod nemleg ein papirdunk som var forsøkt påtent like utanfor døra, fortel operasjonsleiar i Rogaland politidistrikt Brit Randulff.
To familiar
Då politiet kom på staden oppdaga dei at papirdunken var dynka i bensin.
– Nokon har prøvd å tenna på, men på ein eller annan måte har det sløkt, seier Randulff.
Politiet kan fortelja at det var sju personar inne i huset då det blei forsøkt påtent. Minst tre av desse var barn.
– Det er ein trebarnsfamilie som bur her. Dei hadde ein annan familie på overnatting i natt, fortel Randulff.
Vil ha tips
Dei har sikra seg spor i saka, men ønsker tips frå publikum dersom dei har observert mistenkeleg aktivitet i Rosselandsområdet.
Familien har inga meining om kven som kan stå bak ugjerninga eller kvifor det har skjedd,