- Hensikten med å innføre slik avgift er å få ned trafikkmengden på vegane i rushtida.
Det seier utbyggingsdirektør i Statens Vegvesen, Vegdirektoratet, Lars Aksnes.
- I dei største byane kan me ikkje lengre bygge oss ut av kø, kork og kaos, seier Aksnes.
Aksnes er klar på at det må setjast i verk fleire tiltak i tillegg til rushtidsavgift, for å få ned trafikken i sentrum av dei store byane i Norge.
Det viktigaste han nemner er at kollektivtrafikken må styrkast i forkant av innføring av rushtidsavgift.
- Tilsaman vil dette føre til betre utnytting av vegen og at behovet for å byggje nye vegar eller å utvide dei eksisterande, blir redusert, seier Aksnes.
Lokal vilje
Fylkespolitikarane må gå inn for rushtidsavgift for at det kan innførast.
- Derfor er det viktig at dei får bestemme kva type system som skal veljast for innkreving av rushtidsavgift, seier Aksnes.
Han er ikkje voldsomt optimistisk til kva fylkespolitikarane kjem til å gå inn for når det gjeld kor stor rushtidsavgifta blir.
- Det kan synast som om ei moderat tidsdifferensiering av satsane i dagens bomring er det meste som kan oppnåast, seier Aksnes.