Klokka 06:48 fekk politiet melding om at nokon hadde brote opp ein låst container, i Vågsgata i Sandnes. Fleire PC-ar er stolne.
– Me har ein mistenkt i saka, men me har førebels ikkje pågrepe nokon, seier operasjonsleiar Kjetil Føyen.
Avslørt av kamera
Ein time tidlegare fekk politiet melding om innbrot i butikken Soundgarden på Sandnes.
Tjuven stal med seg ein platespelar.
Eit overvakingskamera fanga opp bilete av tjuven, det var ein kjenning av politiet og han vart pågripen og sett i arresten kort tid etter, fortel operasjonsleiar Kjetil Føyen.
Stal våtdrakt
I Stavanger rykka politiet ut til eit bustadhus i Vålandsbakken rundt kl. 05:30. Ein person hadde brote seg inn og stole ei våtdrakt. Ein mann i 30-åra vart pågripen og er sett i arresten.
Det fjerde innbrotet skjedde på Kampens plass i Stavanger. Politiet fekk melding om eit knust vindauge i eit bustadhus. Ein mann i 40-åra er pågripen for innbrotet.