– Me fekk ein telefon frå ein kvinneleg morgonfugl, som kunne fortelje at ho observerte personar inne på treningssenteret. Ho fann det litt snodig sidan dei gjekk rundt i lokalet med lommelykter, fortel operasjonsleiar Henning Andersen.
Det gjekk i underkant av fem minutt frå politiet fekk meldinga til dei var på staden.
– Då me kom til treningssenteret fann me fire menn i alderen 25–30 år. Dei var i ferd med å bera datautstyr ut av lokalet, seier Andersen.
– Så det var ikkje berre ei vanleg treningsøkt med vekter dei haldt på med?
– Tydelegvis ikkje.
Dei fire er nå sett i arresten. Politiet ser ikkje innbrotet i samanheng med dei mange bustadinnbrota den siste tida.
- LES OGSÅ:
Han takkar morgonfuglen som melde ifrå.
– Me sett stor pris at folk ringer og tipsar oss. Og heldigvis er det ein del som gjer det, avsluttar Andersen.