– Det er ganske stort å stå her nå, seier skodespelar Jacob Oftebro.
Han er i Haugesund i samband med premieren på filmen Gullkysten. For eit år sidan var han i Ghana og gjorde opptaka.
– Det er rørande å vera på det som er Noregs største filmfestival, og få visa Gullkysten for eit norsk publikum.
- LES OGSÅ: Kronprinsen åpnet filmfestivalen i Haugesund
- LES OGSÅ: Frykter at filmfestivalen blir dårligere
– Vakkert om eit mørkt kapittel
– Det er ein kompleks film og ein spanande historie. Annleis og vakker og tøff, seier Oftebro.
– Filmen er dansk, du er norsk og snakkar dansk på skjermen, korleis gjekk det?
– Det gjekk kjempefint og var veldig gøy. Eg er stolt av filmen. Han har gått bra i Danmark, og har skapa blest og debatt.
Filmen går 180 år tilbake i tid, og tek opp temaet dansk slavehandel frå dansk Guinea.
Begeistra publikumsjury
– Det heile er veldig spanande. Eg får sjå veldig mykje bra film, og så får eg høve til å diskutera desse med andre filminteresserte, seier Jorunn Bjørndal Lilleland, leiar for publikumsjuryen under festivalen.
– Du skulle ikkje heller vore ute i sola og kost deg?
– Jo, det er jo litt trist at nå når sola endeleg kjem fram så sit me inne i mørket, men eg synst likevel at det er verdt det.
- LES OGSÅ: Foreslår å flytte filmfestivalen til Stavanger
- LES OGSÅ: De åpner barnefilmfesten i Haugesund
Fekk endeleg vera med
– Eg synst dette er heilt utruleg flott. Eg er pensjonist nå, så denne gongen kunne eg ta meg tida til å sjå meir film på få dagar enn eg nesten har gjort i heila mitt liv. I alle fall på så kort tid!
Jostein Vestbø er også med i publikumsjuryen, og kan ikkje tenka seg eit betre oppdrag.
– Tidlegare har eg sett på dette frå sidelinja og tenkt at det hadde vore så kjekt å vera med. Og denne gongen så fekk eg det. Det er nett som å få reisa verda rundt med filmane!