Politiet fekk melding om ulukka klokka 11.30.
– Alle naudetatane er på veg med store styrkar, sa operasjonsleiar i Haugaland- og Sunnhordland politidistrikt, Tore Frøyland-Jensen, etter at dei hadde fått meldinga.
Ifølgje dei første meldingane dei fekk inn sat både barn og vaksne fastklemde i bilane, men kort tid etter kom ein kontrabeskjed.
– Ingen skal vera fastklemde, heller ingen alvorleg skadde, seier Tore Frøyland-Jensen.
Til saman er det fem barn som er frakta til legevakt, og ei kvinne til sjukehus, med lettare skadar.
Vegen var stengt i fleire timar, medan ulukkesgruppa frå Statens vegvesen og politiet jobba på staden.
Klokka 14.15 melder politiet at vegen igjen er åpen for fri ferdsel.
