Dersom estimata stemmer så er oljefunnet som er gjort av det færøyske oljeselskapet Faroe det største på norsk sokkel hittil i år. Det er anslått at det skal innehalda mellom 43 og 80 millionar fat oljeekvivalentar.
Dette er ikkje mykje samanlikna med Johan Sverdrup-feltet, som er forventa å henta opp mellom 1,7 og 3 milliardar fat olje, men det er likevel eit viktig funn ifølgje Helge Hammer som er sjef for Faroes si verksemd i Noreg.
– Feltet ligg i eit veldig interessant område, og like ved Brage-feltet. Dersom funnet går til Brage vil levetida til denne plattforma kunne bli betydeleg forlenga, seier Hammer.
Faroe, som er børsnotert i London. eig allereie 14,3 prosent i Brage feltet som er operert av Wintershall Norge.
– Det er svært gledeleg når det kjem slike funn i modne område, der er allereie infrastrukturen på plass, slika at ein kan henta opp ressursane frå omkringliggande plattformer, seier Oljedirektoratet sin pressekontakt, Eldbjørg Vaage Melberg.
