Få veit kva flagget betyr

– Dette flagget betyr at det er dykkarar nede i sjøen. og at du som småbåtførar skal halda god avstand og sakte fart.

Åge Wee, leiar i Slettaa dykkarklubb i Haugesund er oppgitt over manglande kunnskap hos dei som fører fritidsbåtar.

– Ein gong var eg ute med 15 mann og dykka ved Røvær. Då opplevde eg at båtane køyrde rett over oss.

• Les også: I verdstoppen under vatn

Det er veldig frustrerande, når du er dykkeleiar. Du har ikkje mykje kontroll når det kjem båtar, med propellane i full fart, som køyrer rett over der dykkinga pågår, slår Wee fast.

Lite kunnskap

Det er mangel på forståing hos båtførarar for korleis dykkarar opererer, opplever Wee.

– Me har eksempel på at båtfolk har kasta ut fiskeredskap 20 meter frå båten, fordi dei trur at dykkarane berre held seg rett under båten, seier leiaren av Slettaa dykkarklubb.

• Les også: Vet du hva dette flagget betyr?

Stor satsing i sommar

Dykkarane fryktar ulukker fordi båtførarane ikkje veit kva dykkarflagget betyr. Nå set Norges Dykkeforbund og Sjøfartsdirektoratet i gong ein kampanje for å læra opp båtførarane, og den blir sparka i gong i Haugesund.

– Me kjeme til å vera der det er båtfolk, båtmesser og slike stader.. Der skal me dela ut klistremerke, slik at båtførarar lærer seg kva dette flagget betyr, fortel Lars Einar Hollund, visepresident i Norges dykkeforbund.

• Les også: Dette bildet ga kongepokal i undervannsfoto

Får støtte frå toppen

Også Sjøfartsdirektoratet stiller seg bak kampanjen for å få gjera flagget betre kjent.

– Me opplever nok at det er for lite kunnskap blandt fritidsbåtførarar om dette. Så me i direktoratet kjem til å vera med og støtta opp om denne kampanjen, seier Steinar Haugberg, kommunikasjonsrådgjevar i Sjøfartsdirektoratet.