– Me ynskjer NRK sine sjåarar over heile landet velkomen til å vera med på feiringa av nasjonaldagen på Suldalsosen, seier suldøl Kolbein Bakka.
I år skal NRK1 sende direkte frå bygda i indre Ryfylke.
Mange ting står på programmet. Dagen startar med kapproing over Suldalsvatnet i den gamle kyrkjebåten. Så er det barnetog, og så blir det servert betasuppe på samfunnshuset.
Bakka trur dei kan imponere sjåarane med det dei har å visa fram.
– Vanlegvis tenkjer me at 17. mai er Karl Johan i Oslo, men i år så trur eg det kjem til å bli Suldalsosen, seier Bakka.
TV-innslaga frå Suldalsosen vil vera del av ein seks timar lang sending som startar kl. 07:50 på NRK1.