Ein 20 år gamal mann er sett i arresten etter han truga vaktene på ein serveringsstad i Haugesund i natt. Mannen var rusa og kom i klammeri med vaktene før han kom med trugsmål.
Ein bil køyrde seint i går kveld av vegen ved Kvalavåg på Karmøy. Føraren skal ikkje ha blitt skadd. Politiet tok likevel personen til legevakta for blodprøvar, då dei mistenker promillekøyring.
Securitas har varsla politiet om mogleg innbrot på Bergeland vidaregåande skule på Storhaug i Stavanger. Alarmen gjekk då ei rute blei knust. Politiet er nå på staden for å sikra spor.
Ein 22 år gamal mann måtte i natt fraktast til legevakta etter han blei slått på Indre kai i Haugesund. Mannen fekk eit kutt i leppa. Politiet har teke ein 25 år gamal mann, som dei mistenker står bak ugjerninga.
