E39 stengt for all trafikk

– Det er alt for høg vannstand. Vi kan ikkje risikera at små bilar ikkje klarar å passera, seier Eivind Stangeland, seksjonsleiar for drift og vedlikehald i Statens vegvesen.

Ekstremværet «Synne» har nådd Sør-Vestlandet, og pregar særleg Indre Ryfylke og den sørlege delen av i Rogaland. Det er svært mykje vatn på vegane. Ekstremt mykje to stader på E39: ved Helleland og Drangsdalen (Hovsvatnet).

E39 ved Helleland i er no stengt til for all trafikk til søndag ettermiddag. Vegvesenet ber alle tunge kjøretøy om å parkera i Kristiansand, Flekkefjord eller Stavanger.

• OVERSIKT: Disse vegane er stengd på grunn av ekstremvêret

– Vi tar ikkje sjansen på at bilar havarerer, og at vi ikkje klarer å berge dei, seier Stangeland.

Derfor må personbilar no kjøre om enten RV44 via Flekkefjord, eller eventuelt FV501 via Sokndal. For tungtrafikk er det inga omkøyring.

Omkøyringa om fylkesveg 44 er ikkje eigna for tunge køyretøy.

– Når kvelden kjem, og vatnet gjer det vanskelig å sjå vegen må vi truleg også stengje for større bilar, som klarer å passere no, sa Stangeland klokka 17.

Rødt flaumvarsel

Statens vegvesen har ekstra mannskap ute i helga og følgjer ekstremveret Synne tett. Det er svært vanskelege køyreforhold mange stader. Norges vassdrags- og energidirektorat (NVE) har heva flomvarselet til rødt fra Mandalsvassdraget i Rogaland og vestover.

– Viss du ikkje må køyre i dag, så vil eg på det sterkaste oppmode folk til å halde seg heime, seier Eivind Stangeland, seksjonsleiar for drift og vedlikehald i Statens vegvesen.

Svært utfordrande i Ryfylke

I indre delar av Rogaland er situasjonen på vegane svært utfordrande, særleg i Suldal og
Sauda.

– Vi ber folk i Suldal og Sauda om å halde seg heime dersom det ikkje er nødvendig å køyre, oppmodar Ove Hausvik, i Statens vegvesen i Haugesund.

Mannskap er ute i alle delar av Ryfylke og følgjer situasjonen tett.