Dei siste åra har Rennesøy hatt den største folkeveksten i Norge, skriv
På fem år, frå 2007 til 2012, har folketalet auka med heile 24,4 prosent. Ullensaker kommune i Akershus er nummer to på lista, med ein folkevekst på 19,6 prosent dei fem siste åra.
Ikkje berre jubel over veksten
Dagny Sunnanå Hausken, ordførar i Rennesøy.
Foto: SenterpartietMen veksten i Rennesøy er ikkje udelt positiv. Ordførar Dagny Sunnanå Hausken (Sp) vil avgrensa folkeveksten.
– Veksten må ned på eit meir handterleg nivå. Ein vekst over fire prosent er ikkje berekraftig, seier Sp-ordføraren til DN.
Det er presset i bustadmarknaden på Nord-Jæren som tvingar stadig fleire til å busetja seg lengre borte frå byområda Stavanger/Sandnes.
Ingen annan by i Norge har hatt større prisvekst i bustadmarknaden enn Stavanger dei siste åra.
Også stor vekst i Klepp og Sola
Den enorme folkeveksten i Rennesøy gjer også kommunen til ein av vinnarane målt i berekraft. Kommunen er på 16. plass over landets mest berekraftige kommunar.
Også to andre rogalandskommunar er på topp-ti-lista over kommunane i landet med størst folkevekst. Det er Klepp og Sola, med ein folkevekst på 16,2 og 15,5 prosent dei siste fem åra.
