Frida Kleivland og foreldra var på veg til hytta, då dei blei
på riksveg 13 mellom Røldal og Nesflaten i Suldal i går kveld.- Han i bilen foran oss stoppa først, og sa det var gått eit ras. Me venta omlag ein time før me bestemte oss for å snu, men då var det gått eit ras der og. Då måtte me berre parkere.
Ho seier at situasjonen ikkje var skummel der og då.
- I ettertid tenkjer eg at me var heldige som ikkje fekk raset over oss.
Dei fekk tida til å gå med å høyra på radio, løysa kryssord og Frida var også på facebook frå dataen i baksetet.
I bilen foran sat Geir Tomasgaard og sonen på åtte år. Dei var på veg frå Tau til Odda i går kveld. Dei hadde ikkje med seg mat, men familien bak delte raust.
– Men me har sove betre før, seier Tomasgaard. No ser dei fram til å kome seg til farmor som ventar i Odda.
Vegen blir ikkje opna
Geologer har saman med Statens Vegvesen vurdert om det er trygt å fjerna snømassene etter rasa.
– Me har sett at det nederste området ikkje er farleg. Det øvre området er farlegare, så der vil me venta til i morgon. Då tar me gjerne ein inspeksjon til for å finna ut kva me vil gjer, seier Einar Stange.
Vegen blir ikkje opna i dag, og vil vere stengt mellom Røldal og Lona.
Gir seg ikkje
Når NRK snakkar med Frida Kleiveland står familien og fyller diesel på bilen. Tanken var nesten tom etter å ha halde bilen varm heile natta. Etter tankinga skal dei ikkje heim, for sjølv om eit ras fortsatt sperrer vegen freistar ein hyttetur.
- Er det ferie så er det ferie, me skal til hytta og kjører rundt, avsluttar Kleiveland.