Dei fire personane blei funne på badet av ei vaskehjelp. Ho fann først ein lapp inne i bustaden med teksten: «Vi ligger på badet. Ring politiet». Kvinnen kontakta deretter politiet.
Politiadvokat Karsten Monsen i Stavangerpolitiet stadfestar at dette har skjedd.
Verdas hyggelegaste menneske
Nærmarste nabo, Astrid Larsen, karakteriserer dei omkomne som "verdas hyggelegaste menneske". Ho stiller seg heilt uforståande til det som har skjedd. Dei fire vart funne i eit hus som er delt opp i fleire leiligheter. Huset ligg i eit roleg buområde i Storhaug bydel i Stavanger.
Pressekonferanse:
Klokka halv fire i ettermiddag hadde politiet ein pressekonferanse om det som skjedde. Politiadvokat Monsen avviste at det var tale om å kopla inn Kripos. - Det er teikn som tyder på at dette er ei familietragedie, men heilt sikre er me ennå ikkje, seier Monsen. Han avviste også å svara på om det var funne våpen i huset. Politiet fortset etterforskninga utover ettermiddagen med tekniske og taktiske undersøkjingar.