– Avaldsnes damer elite har gjort det me kan for å behalda Colin Bell, skriv klubben om trenaren på heimesidene sine.
Årsaka til at den engelske suksesstrenaren likevel vender tilbake til Tyskland, skal vera at familien vil ha han tilbake. Han har derfor takka ja til trenartilbod frå ein tysk klubb står det i pressemeldinga.
– Heilt hjarteskjerande
– Hovudårsaka til at han reiser er at familien ville ha han heim. Me har lært mykje av å ha Colin Bell her, seier Lars Inge Vatnem, som er leiar for Avaldsnes damer elite.
Trenarutviklar Kent Michael Bøe tek over trenarrolla fram til klubben har funne ein erstattar for Bell.
Bell vann meisterligaen som trenar for FFC Frankfurt i 2015, men ønskte seg til Avaldsnes i 2016. Avaldsnes ligg i dag på andreplass i toppserien.
- Les òg:
– Eg vil takka alle dei fantastiske folka som eg har fått jobba med her. Det har vore veldig emosjonelt for meg. Heilt hjarteskjerande, seier Bell til Karmøynytt.