Mannen er busett i Haugesund og han har fleire dommar på seg frå forskjellege valdssaker.
– Det er ein mann politiet kjenner ganske godt, seier operasjonsleiar i Haugesund, Håkon Tornes.
Oppsøkte huset til ex-kjærasten
Det var i tre-tida, natt til søndag, at mannen blei tatt av politiet, igjen. Han hadde ikkje kome seg inn til den tidlegare kjærasten, men han hadde tatt kontakt på telefon. Då var han undervegs i bil og då blei politiet kontakta.
– I tillegg til brot på besøksforbodet er han også mistenkt for bilkøyring i rusa tilstand, opplyser Tornes.
Skambanka tidlegare sambuar
Då mannen blei tatt fredag kveld, hadde han skambanka sambuaren sin. Ho blei sendt til sjukehus med brot i handa og med synlege merke etter slag mot hovudet og mot overkroppen, skriv Haugesunds Avis.
Det hjelpte heller ikkje mannen i 20-åra at han køyrde ein uregistrert bil med sommardekk, då han blei stoppa av politiet.