Politiet fekk melding om knivstikkinga rundt klokka fem, søndag morgon. Det var ein mann som blei stukken i ryggen og som ifølge politiet vart lettare skadd i angrepet.
– Han var oppegåande etter hendinga og får nå behandling ved Universitetssjukehuset i Stavanger, sa operasjonsleiar Tor Helge Stavik til NTB.
Ser meir alvorleg ut
Universitetssjukehuset i Stavanger opplyser seinare at mannen er alvorleg skadd, men at tilstanden er stabil.
Politiet starta søk etter gjerningsmannen med alle tilgjengelege ressursar etter kort tid.
Gode spor
Det var fleire vitne til det som hadde skjedd. Etter avhøyr av dei, og undersøking av staden der angrepet skjedde, fortalde politiet at dei hadde gode spor i saka.