NRK Meny
Normal

Blei funne på ein fjelltopp

Ei kvinne og ein ung gut vart funne i Kjerag-Langavatn-området i dag tidleg. Då heldt dei til like ved ein fjelltopp. Det var kald og sterk vind på toppen, men dei våga ikkje å gå lengre i går kveld.

Strand og Forsand Hjelpekorps fann dei omlag 2 kilometer frå Langavatn

Strand og Forsand Hjelpekorps fann dei to som hadde gått seg vekk omlag 2 kilometer frå Langavatn.

Foto: Norsk Folkehjelp, Strand og Forsand

Kvinna på 24 år og guten på 14, byrja turen frå Flørli i Lysefjorden, på fredag. Dei gjekk opp trappene frå Flørli og opp på høgfjellet.

Trapper fra Flørli i Lysefjorden, Flørli kraftstasjon

Dei to gjekk trappene opp i fjellet frå Flørli kraftstasjon i Lysefjorden.

Foto: Thomas Ystrøm / NRK
Det var tett skodde i leiteområdet natt til laurdag

Det var tett skodde i leiteområdet natt til laurdag.

Foto: Norsk Folkehjelp, Strand og Forsand

Målet var å gå til Kjerag, men etterkvart som tida gjekk og véret blei dårlegare, endra dei planen og gjekk mot turisthytta Langavatn i staden.

I 23-tida på kvelden melde dei frå om at dei hadde gått seg vekk og at dei søkte ly for natta. Det var regn og tett skodde i området.

Les også:

Norsk Folkehjelp, Strand og Forsand reiste frå Forsand og inn Lysefjorden i 01-tida på natta. Eit lag gjekk inn i området frå Flørli. Det andre gjekk frå Øygardstøl, ovanfor Lysebotn.

Laster kart, vennligst vent...

Norsk Folkehjelp fann dei to omlag to kilometer frå Langavatn turisthytte.

Rett før klokka 06, fekk leitemannskapa, som kom frå Øygardstøl, svar frå dei to som hadde gått seg vekk.

Mannskap frå Norsk Folkehjelp, Strand og Forsand, på veg tilbake etter vellukka redningsaksjon

Mannskap frå Norsk Folkehjelp, Strand og Forsand, på veg tilbake etter vellukka redningsaksjon.

Foto: Norsk Folkehjelp, Strand og Forsand

Dei to var då like ved ein fjelltopp på omlag 1100 meters høgde. Det var hard vind der dei vart funne, men dei våga ikkje å gå lengre kvelden før, fordi terrenget var ulendt og bratt.

Les også: Fortsatt søk etter dansk skoleelev

Også mannskap frå Øvre Sirdal leitegruppe tok seg inn i området og var med på leiteaksjonen.

Dei to var kalde, men med godt mot då dei vart funne.