Nominasjonskomitéen hadde innstilt Sissel Stenberg på førsteplass. Dette skjedde trass i at Trond Birkedal har vore leiar i Stavangerpartiet dei siste fire åra.
Men på nominasjonsmøtet, mandag kveld, slo Birkedal tilbake. Han fekk 62 stemmer, mens Stenberg berre fekk 25. Tilsaman var det 87 Frp-medlemmer med stemmerett på møtet.
Zazzera si innstilling
Det var mangeårig leiar i Stavanger-partiet, Jostein Zazzera, som var leiar i nominasjonskomitéen. Zazzera har hevda at fleire personar har uttalt at dei vil skifta ut Birkedal, men han har konsekvent nekta å seie kven det er, eller kor mange kritikarane til Birkedal er.
Trond Birkedal vant over Sissel Stenberg i nominasjonskampen
Foto: Zbigniew Czaplicki / NrkSissel Stenberg har fortid som Høgre-politikar, før ho seinare har jobba som leiar i forskjellege avdelingar i Stavanger kommune.
Stenberg fekk 2.plassen
Sissel Stenberg kapra den andre sikre plassen på nominasjonslista. Marit Amundsen blei foreslått i staden for Stenberg på andre plass, men tapte den avstemninga.
