Sidan Helge Lund brått slutta som toppsjef i oktober, har Statoil vore på jakt etter ny leiar. Han som er konstituert i stillinga, Eldar Sætre, har tydleg gitt beskjed om at han ikkje har ambisjonar om å søkje stillinga.
I dag lanserte Anne Gjøen i Handelsbanken, DNB-sjef Rune Bjerke, som den heitaste kandidaten til å overta. Det gjorde ho i Stavanger Aftenblad.
Avviser spekulasjonane
Nå avviser kommunikasjonsdirektør Thomas Midteide i DNB at sjefen hans har planar om å skifte jobb.
- Rune Bjerke er ikkje kandidat til å ta over toppleiarjobben i Statoil. Det er hyggeleg at sjefen vår blir trekt fram som ein god toppleiar, men me er glade for at han tykkjer det er veldig spennande å leie DNB og vil fortsetje med det, seier Midteide til DN.
