Handverkarane har tilbydd sine tenester til karmøybuen i dag.
Politiet meiner det er på sin plass å åtvara folk mot å inngå avtalar med omreisande irske asfalt- og steinleggarar.
– Dei krev heile eller delar av oppgjeret på forskot, og forduftar vekk eller etterlet seg arbeid av dårleg kvalitet, seier operasjonsleiar i Haugaland og Sunnhordland politidistrikt, Jarle Utne-Reitan.
Politiet understrekar at dette er firma som heller ikkje er lovleg registrerte i Norge, og at dei ikkje betalar skattar eller avgifter til staten. Det blir derfor rekna for å vera svart arbeid.
Politiet er interessert i å kartlegga dette miljøet, og ber dei som har tips om å ringa telefonnummer 02800.
