– Dei som handlar billettar til VM nå må vita at dei truleg ikkje kjem frå dei offisielle kanalane, seier regiondirektør i Forbrukarrådet i Rogaland, Edith Kristin Nøkling.
Det betyr at det ofte er gjennom svartebørssal folk får tak i billettar nå – like før VM blir sparka i gang i Brasil torsdag 12. juni.
– Folk risikerer å bli lurte. Svartebørsbillettane er langt dyrare enn ordinære billettar, og ofte er dei falske. Du risikerer å reisa ned til Brasil med ein papirlapp som ikkje er verdt nokon ting, seier Nøkling.
- LES OGSÅ:
Forbrukarrådet: – Bruk kredittkort
Billettane til årets fotball-VM er svært ettertrakta, og onsdag blei dei siste 180.000 offisielle VM-billettane lagde ut på FIFA sine heimesider.
Totalt blir berre ein tredjedel av VM-billettane lagt ut for sal på nettet, ifølge Forbrukarrådet.
Internasjonale gjester kan kjøpa om lag 700.000 av billettane. Resten, om lag to millionar, går blant anna til sponsorar, spesialpakkar, fotballforbund i ulike land og media.
I Norge er det forbod mot svartebørssal, men internasjonale nettsider er ikkje bundne av forbodet.
– Rådet vårt ved all netthandel er å bruka kredittkort. Då er du forsikra dersom du blir lurt, og kan få pengane tilbake, seier Nøkling i Forbrukarrådet.
- LES OGSÅ:
- LES OGSÅ:
Finn.no: – Folk må vera forsiktige
På Norges største marknadsplass på internett, Finn.no, ligg det ute mange annonsar om fotballbillettar til VM.
Ifølge pressetalsmann hos Finn.no, Henrik Faller, er dei fleste billettane ekte og få klager. Han ber likevel folk vera forsiktige når dei handlar VM-billettar på nett.
– Det er viktig at folk som er interesserte i billettar er bevisste på at det kan førekomma falske billettar på nettet generelt, og nokon gonger hos Finn.no.
Han gir desse råda til folk som ut etter VM-billettar i siste liten.
– Ein må vurdera om den som sel billettar er seriøs, og finna ut kor vedkommande kjøpte billettane. I tillegg bør ein ikkje betala billettane på forskot, seier Faller.
– Kva klagemoglegheiter har folk?
– Dersom du kjøper billettar frå privatpersonar har du i grunnen får klagemoglegheiter. Men det går an å melda frå til politiet og rapportera til Finn.no dersom du får falske billettar.