Arbeider med flaumtrygging for framtida

– Det vil alltid vera slik at ein vil spørja seg om ting kunne vore handtert annleis i etterkant av ei dramatisk hending, men dei tiltaka som blei sett i gang viste seg i alle fall å ha god effekt under flaumen, seier ordførar i Eigersund kommune, Odd Stangeland.

Måndag var kommunen i møte med NVE for å diskutera handtering av ekstremvêr og flaum for framtida.

Ordføraren meiner kommunen var godt førebudd, men er samstundes klar på at ting kan bli betre.

– Vassmassane teke i betraktning så er skadane mindre enn det me hadde frykta. Men me er likevel i den situasjonen at det er mange innbyggjarar som har fått store skader på heimane sine, seier Stangeland.

Kommunen har framleis ikkje oversikt over skadeomfang og kostnadar.

• LELES S OGSÅ: NVE ber om 150 millioner til flomsikring
• OGSÅ: - Byråkratiet sinker flomsikring

Har ei stor oppgåve framfor seg

– Det har kome kritikk som går på at utvalet som har jobba med tiltak ikkje har kome i gang fort nok, korleis vil du kommentera det?

– Egersund kommune tar nå initiativ ovanfor NVE for å koma i gang med forskjellige tiltak. Nokre av desse er gryteklare, men så er det også ein større problematikk som krev meir arbeid – både av Egersund kommune, NVE, Statens vegvesen, og andre styresmakter.

Stangeland vedgår at kommunen har ei stor oppgåve framføre seg. Særleg Bjerkreim- og Hellelandsvassdraget er stader der må gjerast tiltak, men også ved E39 og andre stader i kommunen vil ting bli gjort ifølge ordføraren.

• LES OGSÅ: Slik har «Synne» råka Sør-Rogaland

Kom fortare enn venta

Leiar for NVE region sør, Anne Kathrine Sverdrup, meiner kommunen har eit bra beredskapsapparat.

– Me frå NVE har vore tidleg ute. Me var her på laurdag og har bidrege med rådgjeving om kva type krisetiltak som burde setjast i gang, og også litt rundt evakuering. Dette samarbeidet har fungert veldig godt, seier Sverdrup.

– Burde ein ha sett på eit tidlegare tidspunkt kor gale dette ville bli?

– Slik som situasjonen var, så kom det jo eit ekstremt regnvêr veldig fort. Me sende ut eit raudt flaumvarsel som viste seg å stemma her i Egersund sentrum, kor me har hatt ein 50-års flaum, men også dei andre stadane i regionen har det vore svært høge nivå.

Ho understrekar at Både nedbør- og flaumprognosane stemte, men det kom fortare enn venta.