Johan Aakre har vore byutviklar i Egersund, nå er han lei av at byen blir tilgrisa med «17. mai-skum» på sprayboks.
Han meiner at Nille er syndaren:
– Eg forstår ikkje kvifor nokon vil selja noko slikt, særlig ikkje når heile byen blir reingjort på dugnad av brannfolk og foretningsdrivande. Dette er difor ein protest.
(Artikkelen held fram under bilete)
- Ein plass tenker dei vel at sprayen skal bli brukt, når dei sel den. Så kvifor ikkje utanfor butikken, spør Johan Aakre.
Foto: Øystein Ellingsen / NRKFall ikkje i god jord hjå Nille
Distriktssjefen for Nille i Rogaland vart ikkje særlig glad då han fekk høyra om aksjonen:
– For meg er dette litt uforståelig, alle varer kan bli brukt, og dei kan bli misbrukt, seier Tor Nilsen.
Han kritiserer også framgangsmåten til Aakre:
– Først forlanga han at me skulle fjerna produktet, og truga nærmast. Deretter gjer han dette som reaksjon nummer to.
(Artikkelen held fram under bilete)
Politiet har sikra seg bilete av asfalten utanfor Nille i Egersund. Det er opp til Nille om dei vil melda det til politiet.
Foto: Øystein Ellingsen / NRK11 boksar
Aakre kjøpte alle boksane dei hadde i butikken, 11 stk., for så og spraya dei like utanfor inngangsdøra.
Nilsen kan fortelja at dei tilsette i butikken opplevde det som ubehagelig, mens kundar vart sjokka.
Men Aakre meiner ikkje at han har gått for langt, tvert om, han oppmodar andre om å gjera det same.
Kva meiner du om at det blir selt artiklar i forbinding med 17. mai, som kan grisa til byen?
Sei meininga di nedanfor.
