– Stavanger er bygd for å laga festivalar. Det er ein utruleg fin by, skryt gårsdagens vinnar av den gjevaste prisen under Spellemannshowet i Stavanger konserthus, Årets Spellemann.
Dette var den siste spellemannsfesten for den folkekjære artisten.
– Det er ei tid for alt, og dette var den siste utdelinga for meg. Det er nok nå, seier viseartisten til NRK.no.
– Kva er ditt beste spellemannsminne?
– Det trur eg var då Vidar Sandbeck fekk viseprisen. Han slo meg, men det var så innmari fortent, seier Paus.
(Artikkelen held fram under videoen).
VIDEO: Sjå intervju med Ole Paus.
Les også:
Les også:
Lovord frå Morten Harket
I går var det andre gongen Spellemannshowet blei arrangert i Stavanger. Og det er ikkje berre Ole Pause som set pris på det. Morten Harket likar òg at det finst store musikkarrangement utanfor Oslo.
– Det er friskt og bra at Spellemannshowet har flytta ut av hovudstaden, seier han til NRK.no.
Les også:
Fornøgd publikum i år
Prisutdelinga føregår i begge salane i Stavanger konserthus, både Zetlitz-salen og Fartein Valen-salen. I fjor kom det ei god bunke klager til arrangørane då fleire pulikummarar følte seg snytt for store delar av festen.
Dei fleste prisane blei nemleg utdelte i Zetlitz-salen. Dermed følte publikummarar i den andre salen, Fartein Valen, at dei hadde hamna på eit slags B-lag med lagt færre prisar, sjølv om dei hadde betalt same pris for billettane.
Arrangørane hadde retta opp i skeivfordelinga i år, noko publikum tydelegvis sette pris på. For det var stort sett berre lovord å hausta frå publikum i år.
– Eg sat i Fartein Valen-salen og hadde det veldig kjekt. Det var mykje bra musikk og bra show, seier Terje Løvereide til NRK.no.
Sigrun Nevland hadde plass i nabosalen, Zetlitz.
– Det har vore kjempegildt, og eg har kost meg masse, seier ho.
