Fylkesordførar Janne Johnsen (H) meiner det er små mulegheiter for å nå måla for reduserte klimautslepp. Det sa ho i fylkestinget tysdag.
Måla ligg i fylkeskommunen sin eigen plan, vedtatt i 2010. Planen går ut på å redusera utsleppet av klimagassar tilsvarande 750.000 tonn CO2 innan 2020.
Janne Johnsen.
Foto: Ingvald Nordmark / NRK– Har ikkje statistikk
– Det er vanskeleg å seie sikkert, for SSB lagar ikkje statistikk som går på fylkes- og kommunenivå når det gjeld utslepp av klimagassar, seier Johnsen.
Heller ikkje når det gjeld utbygging av fornybar energi trur fylkesordføraren det er råd å nå målet. Målet er fire terawatt ny fornybar energi innan 2020.
- LES ÒG: Motvind for vindmølleplanar
- LES ÒG: Sa nei til 100 nye vindmøller
Målet om ny vasskraft, gjennom småkraftverk, ligg derimot an til å bli nådd.
Fekk ikkje ny plan
Det var partiet Venstre, ved Svein Abrahamsen, som stilte spørsmål om korleis det ligg an med å oppfylle klimareduksjonsmåla i fylket sin eigen plan.
Han bad også om at den eksisterande vindkraftplanen blir revidert, men fekk ikkje fleirtalet i Fylkeskommunen med på det.
