På torsdag reiser Henrik Ingebrigtsen til Beijing for å, forhåpentlegvis, ta medalje på 1500 meteren neste helg.
– No får eg nokre fine dagar i Sandnes før eg reiser. Eg har gjort all den treninga eg skal, så no handlar det berre om å prikka inn dagsforma slik at eg er hundre prosent når eg står på startstreken neste torsdag, seier Ingebrigtsen.
- LES OGSÅ:
Trur på medalje
Ingebrigtsen er det største medaljehåpet Noreg har i Beijing. For to år sidan kom han på åttande plass i VM, eit løp av han har lært mykje av.
– Ut av svingen i det løpet kunne eg ta på han som tok bronsen. Eg var heilt der oppe, men eg mangla det siste vesle for å halda ut dei siste hundre meterane. Det trur eg at eg har i år, seier han.
- LES OGSÅ:
Vil kasta opp
Fram mot avreise på torsdag er det rolege dagar heime. Treningsøktene er unnagjort, sett vekk frå éi økt. Ei knallhard intervall-økt dagen før avreise.
– Då spring eg ti 300-metersløp med 90 sekund pause mellom. Eg startar litt roleg, på verdsrekordfart, og så aukar eg farten. Går økta skikkeleg bra, då kan eg risikera å kasta opp etterpå.
– Så om du kastar opp på onsdag, då blir det bra i Beijing?
– Ja, då blir det kanon!
- LES OGSÅ: