– Dette kan bety svært mykje for heile kommunen, seier ein nøgd Magne Vaule som er gruppeleiar i Arbeidarpartiet i Bjerkreim.
Slik han ser det er det einaste som kan stoppa vindparken nå at Statskraft ikkje får konsesjon. Noko han ikkje trur vil skje.
- Les òg:
- Les òg:
Arbeid til kommunen
– Saka er til anke i departementet nå etter oppmoding av ein samla allianse av naturvernarar, seier Vaule.
Han håper at dette skal bli klart i år, og viss konsesjonsøknaden går gjennom tyder alt på at Statskraft vil investera ein liten milliard i prosjektet.
Vaule peiker på at dette vil generera mange arbeidsplassar i kommunen, og at det vil gjera at Bjerkreim kan bidra til ei klimavenleg utvikling.
Regjeringa hjelper til
Det er regjeringa som legg til rette for at Statskraft kan gjera store investeringar i miljøvenleg fornybar energi i Norge og internasjonalt.
Totalt kan statskraft investera for omlag 82 milliardar kroner, og i investeringsplanen sin som dei la fram på fredag stod det at dei ville la 800 millionar gå til Moifjellet.
Prosjektet med vindpark på Moifjellet har vore i planleggingsfasen sidan 2003. Først var det Shell som leia prosjektet, men Statskraft har nå teke over.
Det er planlagt nærmare 60 vindmøller på Moifjellet.
