– Vekta av lufta som me har over oss er uvanleg høg. Det er mykje luft og derfor høgt trykk, seier statsmeteorolog Tone Christin Thaule.
Ho snakkar om høgtrykket som herjar i Sør-Norge og som har servert godvêret siste dagane. Eit trykk som i dag nådde nye høgder.
- Les òg:
- Les òg:
Ny rekord
Førre rekord, som Vêrvarslinga på Vestlandet har registrert frå Bergen, var frå 1956. I dag blei den sletta.
– Klokka åtte i dag målte me eit trykk på 1046 hektopascal. I oktober 1956 var trykket på 1043,2 hektopascal, seier statsmeteorolog Tone Christin Thaule.
Bortsett frå at barometernåla viser eit høgt tal, så gir også høgt lufttrykk andre utslag.
– I høgtrykk bles det lite og det er generelt sett lite skyer på dagtid. Det kan også resultera i at vasstanden blir lågare, seier Thaule.
I tillegg så er lufttrykket spesielt viktig for flygarar, sidan dei kalibrerer høgdemålarane sine med hjelp av lufttrykket.
Flyttar seg nordover
Akkurat nå ligg høgtrykkssenteret nord på Austlandet. Det flyttar seg lenger nordover om få dagar. Mot slutten av helga betyr det litt ruskevêr heilt sør i landet, men på Vestlandet og Trøndelag held fineveret held fram. Også i nord kan dei nyte fineveret.
- Følg vêret på yr.no
Høge verdiar på barometeret i dag.
