Trafikkuhell i Sandnes, Stavanger og Karmøy

Det har vore skikkeleg glatt på vegane i Rogaland i morgontimane. Karmøy, Gjesdal, Klepp, Sandnes, Sola og Stavanger er dei kommunane NRK har fått melding om at det har skjedd trafikkuhell. Ingen alvorlege personskadar, men fleire bussar og bilar som har kollidert eller sklidd inn i autovernet. Men det roa seg etter klokka 0710.

– Etter det har me ikkje fått beskjed om fleire uhell, seier Nikolay Austerheim i politiet Sør-Vest.