- Noen dagar med avslapping går fint, men viss du ligg i sofaen i to veker, blir du sett langt tilbake, seier Leif Inge Tjelta.
Tjelta er førstelektor i idrett ved Universitetet i Stavanger, og ein av dei fagansvarlege for mellom- og langdistanse i friidrettsforbundet.
Han har skrive bøker om både uthaldenheits- og styrketrening.
Ski i staden for sykkel
Er du på påskeferie og ikkje får trent på sykkelen, er det inga krise. Du kan finna på andre ting.
- Er du i fjellet kan du gå på ski. Det er god trening, slår Tjelta fast. Viss du er på storbyferie kan du jogga eller gå. Det er betre å trena alternativt, få opp pulsen over kvilenivået, enn å kutta ut all fysisk aktivitet i påsken.
Magisk grense
Dersom det ikkje passar, skal du ikkje ha dårleg samvit om du lar vera å trena noen dagar.
– Viss du vanlegvis trener tre-fire gonger i veka, betyr ikkje ei treningsfri veke så mye, seier Tjelta, sjøl om det beste er å halda muskulaturen jamnleg i sving. Men går det to veker, er saka ei anna. Då risikerer du å bli sett opptil fire veker tilbake reint treningsmessig.
Sørg for å sykla langt
-Alle som skal sykla Nordsjørittet bør ta seg ein del langturar, meiner treningseksperten. Då venner du deg til å sitta lenge på setet, og muskulaturen må jobba lenge. Dette går lettare og lettare når du har gjort det noen gonger.
