Trysil husar Norge sitt største alpinanlegg og er blitt eit eldorado for skiglade nordmenn. Etter fleire år med rolege tider i hyttemarknaden går det no unna med hyttesalet.
Meklarane får i oppdrag å tippe pris på ei moderne hytte med fantastisk utsikt til skibakken. Vi besøker ei sjarmerande 70-talshytte som ligg i Ljørdalen. Hytta er tidsriktig pussa opp, men kva betyr det at den ligg nesten ein time frå skibakkane i Trysil? Siste objekt er ei luksuriøs hytte rett ved skibakken.
I Norge og utlandet
Til å tippe pris i den norske fjellheimen har programleiar Frode Søreide tatt med seg Helga Hvass og Rune Narten frå Sørmegleren i Arendal og Amir Paydar og Amund Hermansen frå Privatmegleren i Fredrikstad.
Sesong 7 inneheld i alt 14 program, der 7 program skal gå på NRK1 i vår og 7 til hausten. I vårsesongen besøker vi i tillegg til Trysil: Oslo, Skien, Drammen, Mjøs-regionen. I tillegg blir det to turar til utlandet.
Om serien
Representantar frå to meklarhus blir røska opp frå sine vante territorium og tatt med til ein ukjent marknad, ein heilt annan stad i landet.
I kjend stil skal dei konkurrere om å gjette prisen på tre ulike bustader. Meklarane veit ikkje kor dei skal og får ingen hjelpemiddel. Salsprisen er hemmeleg. Kva for eit lag tippar nærast?
Som i dei førre sesongane er Frode Søreide programleiar. Søreide kjem frå Høyanger i Sogn og Fjordane. Han har jobba over 12 år i NRK; i Dagsrevyen, Sommeråpent, ved fleire av NRK sine distriktskontor, FBI og 17-mai.