Etter 15 år som trenar for kvinnefotball troppar Helena (Ane Dahl Torp) opp på eit intervju ho ikkje er invitert til og krev jobben som hovudtrenar for laget Varg. Helena meiner sjølv at ho er meir enn kompetent nok for jobben, og det er vel eigentleg Helenas nye sjef også einig i. Problemet er berre at ho er kvinne, og kvinner trenar ikkje menn i fotball.
Espen (Morten Svartveit), Vargs sportslege leiar sit med kniven på strupen og høyrer klokka tikke ned mot seriestart. I møte med Helenas stålvilje tek han sjansen og gir ho jobben. Vi følgjer Helena gjennom ein fotballsesong der ho må vinne respekten til spelarar som ikkje trur på henne, supportarar som ikkje likar henne og ein klubb som når som helst kan gi henne sparken.
«Heimebane» er spelt inn i Ulsteinvik og Oslo og handlar om Helena Mikkelsen (Ane Dahl Torp), som blir Noregs fyrste kvinnelige fotballtrenar på toppnivå. Vi følgjer Helena gjennom ein fotballsesong. John Carew tolkar rolla som som eks-proffen som kjem tilbake til laget Varg.
«Heimebane» har verdspremiere under Berlin Internasjonale Filmfestival 20. februar.
– Vi har jobba døgnet rundt med «Heimebane» no i fleire år, og eg er skikkeleg stolt av det vi har laga. Derfor betyr det enormt mykje å bli valt ut til Berlin og få ha den internasjonale premieren vår der! Dette aukar sjansane våre til å nå ut til eit internasjonalt publikum og selje serien til fleire land, seier hovudprodusent Vilje Kathrine Hagen.